Tinira ni Presidential Adviser for Poverty Alleviation Secretary Larry Gadon si Vice President Sara Duterte, na umano’y nangunguna sa pag-iwas sa pananagutan at hindi pagharap sa mga isyung kinakaharap nito.
Ayon kay Gadon, kabaligtaran umano ng panawagan ni Duterte para sa “katotohanan at accountability” ang ginagawa nito dahil umano sa pag-iwas sa impeachment proceedings.
“Yun sinasabi niyang we should stand for the truth and accountability, eh ano ang ginagawa niyo? Panay ang iwas mo sa impeachment trial… kung ano-anong technicalities ang niraraise ninyo instead of answering directly the charges,” ani Gadon.
Giit pa niya, sa impeachment trial lamang umano lilitaw ang katotohanan at ebidensiya kaugnay ng mga reklamo laban sa bise presidente.
Binira rin ni Gadon ang pahayag ni Duterte tungkol sa umano’y kakulangan ng ginagawa ng administrasyong Marcos para sa mahihirap, at sinabing malayo ito sa aktuwal na mga programa ng gobyerno.
Ipinagmalaki niya ang mga proyekto ng administrasyon sa agrikultura tulad ng pamamahagi ng lupang titulo, post-harvest facilities, farm equipment, at irrigation projects kabilang ang mga solar-powered pumps.
Sa usapin ng kalusugan, iginiit din niya ang pagtaas ng benepisyo ng PhilHealth para sa cancer, heart disease, dialysis, at iba pang serbisyo para sa mga buntis at pasyente sa pampublikong ospital.
Sa huli, binanatan pa ni Gadon ang nakaraang administrasyon at sinabing mas pinairal umano noon ang ilegal na operasyon tulad ng POGO, illegal gambling at E-sabong.
The post VP Sara, umiwas sa accountability – Gadon first appeared on Tonite - Abante.
For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.
0 Comments