Quits na tayo! Alexandra Eala tamis ng resbak kay Maya Joint

Amanos na tayo!

‘Yan ang pinagdiinan ni 29th seed Alexandra ‘Alex’ Eala kay unseeded Maya Joint ng Australia, bumalikwas sa set down at winalis ang final set, 3-6, 6-2, 6-0, sa 139th Wimbledon Championships women’s singles round of 64 sa All England Lawn Tennis and Croquet Club sa London nitong Huwebes ng gabi (Manila time).

Iniresbak ng Pinay tennis star at Globe Amabassador ang 2025 Eastbourne Open final loss sa Australian sa London din noong Hunyo ng nakaraang taon.

Ikalawang sunod paghihimagsik ito ni Eala sa 56th Women’s Tennis Association 2026 3rd Grandslam event – pinakapaborito niya – tapos kay Renata Zarazua ng Mexico sa R128 noong Miyerkoles.

Sunod sa 5-foot-9 leftie player si third seed, world No. 3 Iga Swiatek ng Poland, na pinag-empake si Karolina Pliskova ng Czechia, 6-1, 6-3, sa isa rin sa tampok na matches.

May 1-1 head-to-head sina Eala at Swiatek, bagong nanaig sa 3-set sa 2025 Madrid Open ang huli makaraang ma-straight sets ng una sa 2025 Miami Open quarterfinals.

Tapos ng makasaysayang tagumpay kay Joint, inalay ni Eala ang panalo sa birthday-celebrant coach na si Joan Bosch ng Spain. Siya ang long-time coach sa Rafa Nadal Academy na gumabay mula junior pa-pro career ng Pilipina.

“First of all, it’s my coach’s birthday today! So, I really wanted to win this one for him. Can we all sing him happy birthday?” bulalas ng Quezon City-born.

Hinggil sa paghihimagsik sa Aussie: “It means so much. Maya is such a tough competitor, and after our last match in Eastbourne, I knew I had to stay mentally strong and stay calm even after losing the first set.”

Pinakahuli, labis pinasalamatan ni Eala sa mga dumagsang kababayang Pinoy na mga nag-cheer na naglakas lalo aniya ng kanyang enerhiya sa Court 3, pakiramdam na parang aniya’y sa naglalaro lang siya sa kanyang tahanan.

Humigit-kumulang lang sa tatlong oras magpapahinga si Eala bago harapin nila ni pakner Nikola Bartunkova ng Czech Republic sina 8th seed Jeļena Ostapenko ng Latvia at Russian-born American Sofia Anna Kenin sa doubles R64. (Ramil Cruz)

 

The post Quits na tayo! Alexandra Eala tamis ng resbak kay Maya Joint first appeared on Tonite - Abante.

For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.