Rey Nambatac daming shoot, Chot Reyes kakatiting sa golf

Dumayo sa golf course si TNT coach Chot Reyes umaga ng Martes, July 28, isa sa nakagawian na niyang ritual sa game day ng PBA.

Ayaw daw mahulog sa butas ang mga palo ni Reyes, inalat.

Kinagabihan, gumapang mula 17-point hole ang Tropang 5G para agawan ng panalo ang Converge 110-107 sa binahang Ninoy Aquino Stadium.

“Sa golf, game ko kanina ang dami kong putt hindi ko ma-shoot,” bulalas ni coach Chot sa postgame interview. “Sabi ko, okay lang mag-miss ako basta ‘yung mga player ko mamaya maka-shoot. Buti naman, praise God ganu’n nangyari.”

Pinakamalaki at pinakamalutong na tira ang 3-pointer ni Rey Nambatac sa buzzer na kumumpleto sa pambihirang comeback.

Sampa sa 2-2 ang Tropa sa Group B. Sa ikalawang sunod na talo, natengga sa 3-2 ang FiberXers.

Hindi sumuko ang TNT kahit kulang sa tao.

Injured sina Calvin Oftana, Jayson Castro, Poy Erram, Brandon Ganuelas-Rosser at wala pa si Kelly Williams, kanya-kanyang ambag ang mga naiwan.

Nag-deliver sina Jordan Heading, Henry Galinato, Jio Jalalon, Kevin Ferrer, Kim Aurin. Sapat para punan ang 2 of 10 shooting ni RR Pogoy at 4 of 19 ni Darius Days.

Mukhang nagka-injury pa sa laro sina Heading at Pogoy.

Sa dulo, si Days ang nambulabog sa matikas na debut ni Converge import Jamaal Franklin na bumomba ng 30 points.

“Next man up lang, ‘yun ‘yung character ko sa game na ‘to and sa team namin,” giit ni Nambatac na tumabo ng 30 points huli ang pamatay na tres. “Injured si Jordan, injured pa si (Pogoy) so wala nang ibang mag-step up diyan kundi ‘yung mga nasa court.”

Kahit kulang-kulang, laban lang daw hangga’t may piyesa.

Sa Sabado, Aug. 1, ang susunod na laro ng Tropa laban sa San Miguel sa MOA Arena. (Vladi Eduarte)

The post Rey Nambatac daming shoot, Chot Reyes kakatiting sa golf first appeared on Tonite - Abante.

For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.