Tututukan ng Department of Social Welfare and Development (DSWD) ang pagbibigay ng ayuda sa mga mahihirap at mga low-income family na maaapektuhan ng energy emergency sa mga susunod na buwan, ayon kay Secretary Rex Gatchalian.
Sa panayam sa programang “Politiko Talks” ng Bilyonaryo News Channel, sinabi ni Gatchalian na mahalaga ang pagpapatuloy ng Unified Package for Livelihoods, Industry, Food and Transport (UPLIFT) program para sa mahihinang sektor.
“We have to protect the vulnerable. Kasi if we don’t do that, the studies show that 1.2 million Filipinos will go down deeper into poverty,” sabi ng kalihim.
“We have to stop that. With UPLIFT assistance, the design will show na kung natapos ito, at least we keep status quo… Hindi tayo aatras,” dagdag pa ni Gatchalian.
Layunin aniya ng UPLIFT program na tulungan ang 7.5 milyong mahihirap, near-poor at low-income households na makayanan ang pagtaas ng presyo ng langis at iba pang pangunahing bilihin.
Sa ilalim ng programa, tatanggap ng P2,000 kada buwan mula Hulyo hanggang Disyembre ang 2.5 milyong poor at near-poor households at 1.5 milyong kwalipikadong low-income members ng Social Security System (SSS).
Samantala, makatatanggap naman ng isang beses na hanggang P2,000 dagdag-ayuda ang mga benepisyaryo ng Pantawid Pamilyang Pilipino Program (4Ps) at Walang Gutom Program.
Bukod sa UPLIFT, sinabi rin ni Gatchalian na palalawakin pa ng DSWD ang network ng mga warehouse at food pack facilities upang mas mapabilis ang paghahatid ng ayuda bago pa man tumama ang mga kalamidad.
Ayon sa kalihim, mayroon na ngayong humigit-kumulang 4.9 milyong family food packs na nakaimbak sa 1,000 warehouse sa buong bansa, at target pa itong dagdagan.
“So bago pa may mangyari, nandun na. But (President Ferdinand Marcos Jr.) told me, ‘Wag tayo tumigil sa isang libo. Keep on expanding,” dagdag pa ni Gatchalian. (Angelica Malillin)
The post Rex Gatchalian kasado na DSWD ayuda sa energy emergency first appeared on Tonite - Abante.
For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.
0 Comments