Jordon Varnado, 3 pa piniga, Bolts nabuhayan sa playoffs

Napiga ni coach Luigi Trillo ang kanyang mga pamato sa Meralco, at napaypayan ang tsansa ng Bolts na humabol sa playoffs ng PBA 50 Governors Cup.

“At least, we made a couple of basketball plays,” ani Trillo matapos ang 120-115 win ng Bolts sa Blackwater sa Ninoy Aquino Stadium nitong Martes ng gabi, Oct. 13. “A lot of heroes from us, and (Jordon) Varnado, napi-feel niiya na ‘yung flow of what we do.”

Naiwan hanggang 86-66 sa third quarter ang Bossing pero sa pangunguna ni Sedrick Barefield ay nakabalik, inagaw pa ang lead 113-111.

Si Varnado ang nag-set up sa and-1 ni Chris Newsome para bawiin ang unahan 114-113. Sinubuan muli ng import ng layup si Cliff Hodge bago ang sariling layup para sa 118-113 separation 27 seconds na lang. Sinelyuhan ni Varnado ang panalo sa dalawang free throw sa final 7 seconds.

Tumapos si Varnado ng 31 points, 7 rebounds, 7 assists, may 24 markers si Newsome at 15 points, 9 rebounds kay Bong Quinto. Umayuda ng 12 at 8 si Hodge.

Lumundag ang Meralco sa 4th place ng standings sa Group B pagkaangat sa 4-5. Ang dating No. 4 Blackwater, nahatak pababa sa 5th-6th sa 3-5 kabuhol ang Ginebra.

Mahalaga ang panalo dahil top four ng magkabilang bracket lang ang uusad sa crossover quarterfinals pagkalipas ng double-round eliminations.

Nasa unahan ng grupo ang Magnolia (6-3), Rain or Shine (4-3) at Phoenix (4-3).

May isang laro pa sa elims ang Bolts kontra Fuel Masters sa Oct. 16.

Tinikada ni Barefield ang 14 sa kanyang 31 points sa fourth quarter, may 29 points, 11 rebounds, 5 assists si Kentrell Barkley. Nag-ambag ng 15 points, 6 assists si RK Ilagan. (Vladi Eduarte)

The post Jordon Varnado, 3 pa piniga, Bolts nabuhayan sa playoffs first appeared on Tonite - Abante.

For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.