Sumubok ng mixed martial arts (MMA) move si San Antonio Spurs veteran Rudy Gay sa loob ng hardcourt.
Sa second quarter ng laban sa 75th National Basketball Association regular season game ng Spurs kontra Los Angele Lakers Huwebes sa Staples Center sa California, napahiga sina Davis at Gay nang matawagan ng charging foul ang una.
Dito na biniro ni Gay si AD, at hinawakan ang ulo ng LA superstar para sa headlock.
Klaro naman na biro lang ito para sa dalawa nang tumawa lang si Davis makaraan siyang pakawalan ni Gay.
Sa naturang laro, nanalo ang Spurs, 118-109, kung saan top scorer si LaMarcus Aldridge na kumamada ng 28 points at five rebounds. Angat ang SAS sa 4-4 at dausdos ang defending champion LAL sa 6-3. (Ray Mark Patriarca)
The post Davis ni-wrestling ni Gay! first appeared on Abante Tonite.
0 Comments