Ikinagulat ng Kapuso actress na si Lindsay de Vera ang pagkalat ng balitang nabuntis diumano siya ni Dingdong Dantes.
Naapektuhan daw siya ng malisyosong balita.
"Nagulat po ako because it has been a very long time since last ko pong nakasama at nakatrabaho si Kuya Dong. And then, ngayon pumutok yung issue," pahayag ni Lindsay sa eksklusibong panayam sa kanya ng 24 Oras ng GMA-7.
Mariin ding itinanggi ni Lindsay na nabuntis siya ng Kapuso actor.
"No! Hindi po yun totoo," diretsong sagot niya sa tanong ng GMA News reporter na si Lhar Santiago.
Nagkatrabaho sina Lindsay at Dingdong sa Kapuso primetime series na Alyas Robin Hood at ng sequel nitong Alyas Robin Hood 2.
Umere ang dalawang teleserye mula September 2016 hanggang November 2017.
Ayon kay Lindsay, “After Alyas Robin Hood, I did Victor Magtanggol.
"2017, Alyas RobinHood, the last time I worked and saw Kuya Dong. 2018, I did Victor Magtanggol.
"Kung nabuntis po ako, dapat noong Victor Magtanggol pa lang, nakikita na nila na lumalaki yung tiyan ko or may napapansin na sila sa katawan ko na kakaiba.
“But, I still did projects, I still did guestings all throughout the years.
“So, It's not true. Hindi po totoo."
Diin pa niya, "Walang namagitan po sa amin ni Kuya Dong."
MULLS FILING COMPLAINT
Sa ngayon daw ay kumokonsulta na si Lindsay sa kanyang abugado kung anong hakbang ang dapat gawin tungkol sa mga nagpapakalat ng maling balita.
Dagdag niya, "Malakas po loob ko to tell them, to ask them to come forth with proof if they can.
“Patunayan po nila na nabuntis ako ni Kuya Dong."
May posibilidad daw na magsampa sila ng reklamo laban sa netizens na nagpapakalat ng malisyosong intriga.
Saad ni Lindsay, "Ang masasabi ko po kasi is, right now, I'm already talking to lawyers as well, we are talking to our lawyers.
"And we are speaking of possible charges that we can file to those who claim that to be true.”
Hamon pa niya sa mga nagpapakalat ng maling balita: "I encourage you, if you have the proof na nabuntis ako ni Kuya Dong, please come forth and we will meet each other in court."
[ArticleReco:{"articles":["156470","156466","156462","156456"], "widget":"Hot Stories"}]
0 Comments