Inaalala ni Asia’s Songbird Regine Velasquez ang ika-pitong taong anibersaryo ng kamatayan ng amang si Gerardo "Mang Gerry" Velasquez kahapon, February 3,
Pumanaw si Mang Gerry sa edad na 76 noong 2014.
Sa kanyang Instagram, ipinaramdam ni Regine sa kanyang followers kung gaano niya na-miss ang ama na naging malaking bahagi ng tagumpay niya bilang mang-aawit.
Sabi niya, “7 years today. Missing you very much.
“I miss seeing your face in the crowd whenever I have a concert.
“And for some weird reason I would always see you kahit de ko alam san kayo naka upo.”
Sa darating na February 14, Valentine’s Day, gaganapin ang digital concert si Regine na pinamagatang Freedom.
View this post on Instagram
Noong buhay pa si Mang Gerry, lagi itong nasa venue sa lahat ng concerts ni Regine, malakihan man o intimate. Kaya naman malungkot daw siyang wala na ang kanyang minamahal na ama.
Pero nagbiro naman siyang sana ay makabili ito ng ticket sa kanyang concert.
Baka raw hanggang sa langit ay makakarating ang worldwide streaming ng kanyang show.
Saad ni Regine, “Concert na naman na wala ka (crying emoji) I miss you papa. Please get your ticket via @ktx.ph malay mo umabot dyan steaming world wide baka kasama hangang heaven.
“(laughing with tears emoji) I love you papa (three hearts emojis) GoodNate.”
View this post on Instagram
NETIZENS REACT
Imbes na malungkot, natatawa na lamang ang ibang netizens sa post ni Regine.
Sabi ng isa niyang follower, “Nangilid na luha ko teh, eh bigla akong ntawa sa dulo haha. We miss you papa Gerry”
Komento naman ng isa, “Yung paiyak kana tapos yung bigla nabasa mo Yung dulo. we miss you mang Gerry”
Si Mang Gerry ang humubog kay Regine upang maging isa sa pinakamahusay na singer, hindi lamang sa Pilipinas kundi maging sa buong mundo.
Naging permanenteng pigura rin si Mang Gerry sa halos lahat ng concerts at shows ni Regine.
Gayunpaman, tuloy ang show ni Regine sa February 14 kahit wala na sa mundo si Mang Gerry.
[ArticleReco:{"articles":["156499","156501","156497","156479"], "widget":"Hot Stories"}]
0 Comments