12-anyos inanakan ni kuya

Nanganak ang isang 12-anyos na babae sa United Kingdom kung saan ang kanyang isinilang ay bunga ng panggagahasa sa kanya ng kanyang sariling kuya.

Ayon sa nakalap na impormasyon ng korte kamakailan, 11-anyos la­mang ang dalagita nang halayin siya ng kanyang 14-anyos na kapatid sa loob ng kanila mismong bahay.

Dagdag pa ng Swansea Crown Court, magulo ang tahanan ng mag­kapatid kung saan kinukunsinti la­mang ng kanilang mga magulang ang nasabing kababuyan.

Sa pahayag naman ng prosekusyon na dumedepensa sa biktima, ka­makailan ay sinugod ang dalaga sa ospital dahil sa pananakit ng tiyan.

Ngunit matapos ang ilang oras ay nagsilang ito ng sanggol.

Nang tanungin ang biktima kung may nakasiping ay wala siyang naisagot.

Kuwento naman ng suspek, na ngayo’y 16-anyos na, ‘naghaharutan’ lamang sila ng kapatid habang wala sa bahay ang kanilang mga magu­lang.

Umabot raw sa kanilang higaan ang paghaharutan hanggang sa mau­wi ito sa halikan at pagsisiping.

Nag-plead guilty na rin ang sus­pek na kuya para sa two counts ng statutory rape. (Mark Joven Delantar)

The post 12-anyos inanakan ni kuya first appeared on Abante Tonite.