Dedbol ang isang lalaki at isang babae na magkaangkas sa motorsiklo matapos nilang sumalpok sa poste ng kuryente sa Biñan City, Laguna Martes ng umaga.
Kinilala ang mga nasawi na ang nagmamanehong si Michael Hernandez, 36-anyos, residente ng Maricaban, Pasay City; at backrider niyang si Janet Yaneza, 32, residente ng Cabrera Street, Pasay City.
Batay sa report ng Biñan City Police, pahilaga ang motorsiklo nang sumalpok ito sa isang poste ng Meralco sa gilid ng national highway ng Brgy. Canlalay, Biñan, dakong alas-7:45 kamakalawa ng umaga.
Sa lakas ng pagkakasalpok ay kapwa tumilapon ang dalawa sa konkretong kalsada.
Isinugod pa sina Hernandez at Yaneza sa Ospital ng Biñan subalit parehong idineklarang dead-on-arrival ng doktor. (Ronilo Dagos)
The post Motor sumalpok sa poste, 2 tumilapon first appeared on Abante Tonite.
0 Comments