Napatawa ni presidential son at Ilocos Norte Rep. Sandro Marcos ang mga nakikinig sa kanyang talumpati nang biruin nito ang kanyang tiyuhin na si presumptive Speaker at Leyte Rep. Ferdinand Martin Romualdez na walang mangyayaring impeachment o kudeta sa Kamara.
Sa pagtatapos ng mga bagitong mambabatas sa executive course hinggil sa paggawa ng batas noong Lunes, pinasalamatan ni Marcos ang secretariat sa pagtatrabaho ng mga ito upang tulungan ang mga kongresista.
Bilang dating staff ni Romualdez, sinabi ni Marcos na alam niya kung gaano kahalaga ang secretariat dahil ito ang tunay na ‘life blood’ ng Batasan at hindi ang mga kongresista.
“I think that as lawmakers have a lot to learn from them (House Secretariat) but not just the legislative process. Ang daming speakership pong nangyari, nandito pa rin po sila. Ang daming impeachment na nangyari, nandito pa rin sila,” sabi ni Marcos.
“So, hopefully…don’t worry, Speaker, hindi ‘yan mangyayari I promise you,” dagdag pa ni Marcos na nagpatawa sa mga nakikinig sa kanya.
Sa ilalim ng Duterte administration ay may naghain ng impeachment complaint laban kay dating Pangulong Rodrigo Duterte subalit hindi ito nagtagumpay. (Billy Begas)
The post Sandro biniro si Romualdez sa impeachment first appeared on Abante Tonite.
0 Comments