SASABAK ang mga batang golfer sa Oliver Gan Junior Golf Fellowship Invitational ngayong araw sa Riviera Golf Club sa Silang Cavite.
Tampok ang mga mahuhusay na Filipino junior golfers sa nasabing kompetisyon kabilang sina Rianne Malixi, Celene Abalos, Stevie Umali, Zach Villaroman, Elysse Co, Mika Arroyo, Zach Castro, Monique Arroyo, Tyler Zamuco at Patrick Tambaque.
Ang tee off na magsisimula ganap na alas-10 ng umaga ay lalahukan din ng magkapatid na Gan-Gaisano na sina Nicole at Stephanie, Bree Macasaet, Gabriel See, Anya Cedo, Julia Ong, Martina Oben, Rafael Ley, Rafael Copoc, Venice Tiamsic at Shinichi Suzuki.
Magsisilbing qualifying meet para sa Thailand Junior Golf Championship ang nasabing torneo.
Si Gan na dating adviser ng Games and Amusement Board para sa golf ay nais na maisagawa ang nasabing torneo para sa pagpapaunlad ng mga junior golfer sa Xavier School at sa De La Salle University. (Annie Abad)
0 Comments