Binalandra nina Erika Nicole Burgos at John Leerams ‘Rambo’ Chicano ang lakas, enerhiya at bangis sa takbuhan upang koronahang reyna at hari ng 3rd Sun Life 5150 Triathlon 2023 sa Bellevue Resort beachfront ng Panglao Island sa Bohol linggo ng umaga.

Kinontrol ni Burgos ang laban sa kanyang panig sa pagposte ng 00:21:20 laban sa 00:23:40 ni Leyann Ramos sa swim, binitawan ang liderato sa bisikleta (01:15:09)-01:11:10), pero todong sumipa (00:43:18) upang sungkitin ang pangakalahatang korona ng kababaihan sa 02:24:48 sa kaganapang inorganisa ng The IRONMAN Group/Sunrise Events, Inc.

‘Di nakasabay si Ramo sa pace kay 2023 Cambodia SEA Games mixed relay ghold medalist Burgos sa 00:50:09 para sumegunda sa 02:30:10 samantalang si Katrina Salazar na tumiyempo ng 2:32:09 ang tumersera sa karerang hatid ng Sun Life Philippines sa pangatlong sunod na taon at dinaos na parte sa pagdiriwang ng Sandugo Festival, proyeklto ng Lalawigan ng Bohol sa pamumuno ni Gov. Aris Aumentado.

Nagbaon si Chicano, multi-gold medalist sa SEAG, ng 00:35:41 sa panarang run stage sa pagdomina sa men’s division at kopoin ang pangkalahatang kampeonato sa mabilis na oras na 2:00:04 sa 1.5 km-swim, 40 km-bike, 10 km run race Olympic-style setup sa isa mga nangungunang triathlon hubs sa bansa.

Kilalang ‘Rambo’ sa komunidad ng triathlon, umahon si Chicano sa dagat sa 00:20:33, sa paghinga sa batok ni Penong 5150 winner Joshua Ramos na ma may 00:20:12, sinuko kay sa 2022 champion Satar Salem ang trangko sa bike event, 00:59:48-00:58:52, pero gaya ni Burgos dinaig ang lahat sa takbuhan upang mangibabaw ng mahigit na apat na minuto sa halos-malapit na magarang kondisyon.

Tumiyempo si Salem, sumalo sa tersera sa languyan sa 00:21:07, ng 00:39:53 sa takbuhan para pumangalawa sa 2:04:44, habang ang bumagal na si Ramos sa bike (01:00:09) nag-00:42:30 para pumangatlo sa 2:07:30.

Pinamayagpagan din nina Curgos (20-24) at Chicano (30-34) ang kanilang mga age group division kasamna sina Salem at Ramos na wagi sa male 25-29 at 20-24 classes, ayon sa pagkakasuod. Napasakamay rin ni Ramo ang women’s 30-34 trophy habang si Salazar ang 15-19 category ng event na mga sinuportahan ng Sun Life, Go For Gold, The Bellevue Resorts, Province of Bohol, Municipality of Dauis, Municipality of Panglao, Sandugo 2023, Rudy Project, Sante, Active, Manila Bulletin at Tempo.

Sumalo sa kinang sina Matthew Hermosa at Nicole Del Rosario, na mga nagwagi sa Go for Gold Sunrise Sprint sa magkaibang istilo at dinaos sa 750m open-water swim, 20km bike ride, 5km run.

Tinapatan ni Hermosa ang oras ni 2022 third placer Renz Corbin na 00:08:16 sa swim, dumausdos sa pangalawa sa bike, 00:30:51-00:30:44, pero bumawi sa finish, 00:18:36-00:18:54 upang ga-buhok na manalo, 1:01:56-1:02:12.

Pangatlo si Joseff Quirino sa 1:03:20.

Niladlad ni Del Rosario ang lakas sa women’s side, nanaig sa 1:13:12 (00:09:47-00:34:19-00:24:03) kasunod sina Nicole Rojo at Jamie Lynn Lacaya sa 1:17:03 at 1:28:28, ayon sa pagkakabanggit.

Ang iba pang group winners ay sina (women’s) Angelica Rejas (25-29 – 2:41:36), Sittie Dimaporo (35-29 – 2:47:11), Ma. Lourdes Cabero (40-44 – 2:49:37), Rena Marte (45-49 – 3:01:06), Ratna Dimaporo (50-54 – 3:21:10), Jo Cudmore (60-64 – 3:35:01); (men’s) Joseph Agolong (15-19 – 2:20:19), Kristiane Lim (35-39 – 2:10:32), Arthur Abogago (40-44 – 2:20:05), Stephane Duranton (45-49 – 2:32:21), Miguelito Macalso (50-54 – 2:40:14), Andreas Goros (55-59 – 2:33:37), Benjamin Villagracia (60-64 – 2:59:20) at Nick Cudmore (65-69 – 2:55:06).

Ang Team The Usuals nina Kyra Yu, Elizabeth Margulies at Martha Punzalan, ang walastik sa women’s relay sa 2:43:16, lusot sa Team GCGMMC Tri Team (2:44:26) at Team Trimac Ladies (2:50:19), habang ang Team DPS Racing nina Rivanz Conejos, Justine Pabualan at Jerald Zabala, ang humagip ng men’s relay trophy sa 2:04:33, dinaig ang Team Echague Isabela nina Jonathan De Guzman, March Aleonar at Lowegene Aliligay, (2:08:28) at Team Sun Life Tri Team nina Piolo Pascual, Matteo Guidicelli at Juan Miguel Guidote (2:35:46).

Nangibabaw ang Team Tri SND Barracuda nina Kiara Eroy, Al Fritz Gascon at Marlon Pabilarana sa relay mixed sa 2:06:10. Dos-tres ang Team The Badasses (2:46:24) at Team UCT Dynamites (2:49:10).

(Ramil Cruz)

The post Erika Burgos, John Leerams petmalu ng Sun Life triathlon first appeared on Abante Tonite.