PUMALO si Jian Matthew Salarzon ng 18 points para ihatid ang Ateneo De Manila University sa 23-25, 25-22, 25-19, 25-16 panalo kontra Emilio Aguinaldo College sa 2nd V-League Collegiate Challenge 2023 men’s division elims Linggo ng hapon sa Paco Arena sa Manila.
Nakatuwang niya sa opensa sina Amil Pacinio Jr at Kennedy Batas na mga nag-ambag ng tig-13 puntos upang ilista ang 1-0 karta at pabagsakin ang Generals sa 0-2.
Matapos matisod sa set 1, nagsanib puwersa sina Salarzon, Pacinio at Batas para hatawin ang tatlong sunod na sets na panalo. Bumakas pa si Jettlee Gopio ng 10 markers para sa Blue Eagles.
Tumikada si Ervin Patrick Osabel ng 14 pts. pero hindi sapat upang ikasa ang EAC. (Elech Dawa)
The post Jian Salarzon, ADMU Blue Eagles kinahig EAC Generals first appeared on Abante Tonite.
0 Comments