Richard proud solid Kapamilya; DonBelle, KathNiel, Kim, Jodi tinatarget

NI: ROLDAN CASTRO

Panibagong yugto ang sisimulan ni Richard Gutierrez sa pagpirma niyang muli ng panibagong kontrata sa ABS-CBN sa ginanap na “Solid Kapamilya: Network Contract Signing” event sa ABS-CBN Dolphy Theater.

Proud nga si Richard na manatili bilang Kapamilya lalo pa sa mga pinagdaanang pagsubok ng ABS-CBN sa nagdaang taon.

“I think where I am now in my life and where I am in my career is exactly where I want to be, and that is to be a solid Kapamilya,” aniya.

“With everything that ABS-CBN has gone through over the years at sa lahat ng pinagdaanang pagsubok ng network, I think we are not just surviving but thriving. They were able to pivot successfully, and until today, we are still giving world-class shows to Filipinos worldwide. It is the reason why I am here as a Kapamilya. I am proud to be a Kapamilya.”saad pa niya.

Pinasalamatan din niya ang kanyang mga fan, co-actors, at ang ABS-CBN na patuloy siyang sinusuportahan at ginagabayan sa kanyang karera.

Nakasama ni Richard sa contract signing sina ABS-CBN chairman Mark Lopez, ABS-CBN president at CEO Carlo Katigbak, ABS-CBN COO of broadcast Cory Vidanes, ABS-CBN group CFO Rick Tan, ABS-CBN head of TV Production at Star Magic head Laurenti Dyogi, ABS-CBN head of finance Rick Tan, Star Magic handler na si Love Capulong, at ang kanyang ina at manager na si Annabelle Rama .

Inawit naman ng ‘Idol Philippines Season 2’ grand champion na si Khimo Gumatay ang theme song ng “The Iron Heart” na “Sino Ka Ba” kasabay ng pagpasok ni Richard sa contract signing event habang si Ai dela Cruz and nagsilbing host nito.

Samantala, ibinahagi rin ni Richard na nakatakda siyang magsimula ng bagong action project sa unang quarter ng 2024.

“We have a couple of things lined-up. For the teleserye, I think first quarter of next year. I think it is enough preparation for planning kasi ang hirap tapatan ng “The Iron Heart,” aniya. “To be honest kailangan naming mag-isip ng panibagong konsepto, magandang konsepto at kung paano namin iaangat pa ‘yung level from the ‘Iron Heart’ in terms of action, in terms of storytelling, locations.”

Nang tanungin kung sino pa ang gusto niyang makasama sa susunod niyang proyekto, sinabi niya na sana makasama niya muli sina Daniel Padilla at Kathryn Bernardo. Gusto rin niyang makatrabaho sina Jodi Sta. Maria, Kim Chiu, Belle Mariano, at Donny Pangilinan.

Taong 2017 unang pumirma si Richard sa ABS-CBN kung saan napabilang siya sa hit seryeng “La Luna Sangre.” Nakasama rin siya sa isa sa longest running aksyon serye na “FPJ’s Ang Probinsyano,” at mga pelikulang “Unbreakable” at “Fantastica.”

The post Richard proud solid Kapamilya; DonBelle, KathNiel, Kim, Jodi tinatarget first appeared on Abante Tonite.