Finals Game 2 sa Biyernes (Smart Araneta Coliseum)
7:30 pm – Meralco vs SMB
(Bolts lead series 1-0)
Nag-deliver lahat ng hugot ni coach Luigi Trillo at tinakbuhan ng Meralco ang San Miguel Beer 93-86 sa Game 1 ng PBA Philippine Cup Finals sa Smart Araneta Coliseum Miyerkoles ng gabi.
Nilimitahan ng Bolts ang Beermen sa 35 points lang sa buong second half – lowest nila sa isang half ngayong conference. Matapos ang 20 of 41 shooting sa first 24 minutes, 10/31 na lang ang SMB sa kabuuan pa ng laro.
Tinapatan ng Meralco ang lalim ng firepower ng Beer, nahigitan pa at napuwersa sa 11 ties at 10 lead changes.
Kinamada ni Chris Newsome sa third quarter ang 11 sa kanyang 18 points, may palamuti pang 6 rebounds, 5 assists at 2 steals. May 18-7-5 si Chris Banchero at tig-15 sina Allein Maliksi at Bong Quinto sa Meralco.
“We just have a gameplan that we wanted to do. We felt in the first half we weren’t doing the gameplan that well,” ani Trillo. “If you noticed they had a lot of points from turnovers, fastbreak points. They were beating us in a lot of categories – rebounds other things. I think we just came out in the second half where we were able to do what we wanted to do.”
Game 2 sa Biyernes, June 7, sa alas-7:30 ng gabi sa Big Dome rin.
Kumana pa rin ng game-high 23 points, 10 rebounds si June Mar Fajardo, naka-20 markers si CJ Perez sa kabila ng 6 of 14 shooting. Bumakas ng 16 mula tatlong 3s si Marcio Lassiter.
Salitan, minsan ay sabay pa, na binulabog nina Raymond Almazan, Brandon Bates, Kyle Pascual, Norbert Torres si Fajardo.
Sa first quarter lang, tatlong tira na ang binura ni Bates bago tumapos ng apat para sa Meralco.
Bahagyang dumistansiya ang Beermen 51-44 sa break pero inumpisahan ng Bolts ang second half sa 9-0 run tampok ang back-to-back 3s ni Quinto para agawin ang lead 53-51.
Nabawi ng SMB ang unahan 72-70, pero ayaw sumuko ng Meralco.
Mula sa turnover ng Beer, kumaripas sa kabila si Quinto at binitbitan ng one-handed slam si Perez para sa 79-75 Bolts lead kulang 9 minutes pa. Hindi na sila bumitaw, halos selyado na ang panalo nang pumasok ang open jumper sa tuktok ni Raymond Almazan 93-81. (Vladi Eduarte)
The post Chris Newsome, Chris Banchero kinana San Miguel Beer sa Game 1 first appeared on Abante Tonite.
0 Comments