Vlogger, paslit todas sa paputok

Isang sinasabing vlogger at isang 10-anyos na batang lalaki ang kapwa nasawi matapos masabugan ng iligal na paputok habang sinasalubong ang Taong 2025 sa magkahiwalay na lugar sa Cebu City nitong Miyerkules ng madaling araw.

Unang nasawi ang isang 23-anyos na lalaki na kinilalang si Clifford Amarilla Remis, residente ng Barangay San Roque, bayan ng Asturias, sa Cebu City.

Sinasabing sumabog sa kanyang mukha ang isang paputok na tinatawag na ‘bomb shell.’

Sa ulat, nangyari ang insidente bandang hatinggabi ng Enero 1 ngunit alas-7:45 na ng umaga iniulat sa pulisya.

Sa imbestigasyon ng Asturias Police Station, nagpaputok ang kapitbahay ng biktima sa tabi ng national highway bilang pagsalubong sa New Year.

Matapos ang ilang pagsabog, lumapit ang biktima sa base ng paputok upang silipin ito.

Lingid sa kaalaman nito’y isang paputok pa ang naiwan na tiyempong sumabog mismo sa mukha ng biktima.

Agad na isinugod si Remis sa Asturias Infirmary Clinic ngunit idineklara na itong patay.

Samantala, binawian din ng buhay ang isang bata habang anim ang malubhang nasugatan matapos ding masabugan ng tinatawag na ‘Goodbye Philippines’ habang sinasalubong ang Bagong Taon.

Sa inisyal na ulat ng Talisay City Disaster Risk Reduction and Management Office (CDRRMO), ala-1:00 ng madaling araw (Enero 1) nang maganap ang insidente sa Purok Camunggay, Brgy. Candulawan.

Bago ito, masaya umanong sinasalubong ng mga residente sa lugar ang New Year nang biglang may nagpaputok ng Goodbye Philippines at nasabugan ang batang lalaki at anim pang kapitbahay nito.

Agad namang nagresponde ang mga tauhan ng CDRRMO nang matanggap ang mga ulat at isinugod sa kalapit na ospital ang mga biktima subalit binawian ng buhay ang bata.

Patuloy pa ang isinasagawang imbestigasyon ng pulisya sa naganap na insidente.

Nabatid na ang Goodbye Philippines ay kabilang sa mga paputok na mahigpit na ipinagbabawal ng mga awtoridad. (Dolly Cabreza)

The post Vlogger, paslit todas sa paputok first appeared on Abante Tonite.

For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.