2 Chinese nagpaputok ng baril sa condo

Arestado ang dalawang Chinese national matapos magpaputok ng baril sa condominium at mahulihan pa ng mga bala at armas sa Pasay City.

Kinilala ni Pasay City Police Chief Col. Samuel Pabonita ang mga suspek na sina alyas “Song Haoyo,” at alyas “Shin.”

Naaresto ang mga ito sa Unit 627, Shore I Residences Tower B, Barangay 76, Pasay City.

Sinabi ni Pabonita na ang pagkakadakip sa mga suspek ay matapos makarinig ng putok ng baril mula sa nasabing unit ang isang nagrorondang security guard na kinilalang si alyas “Elmer” na nag-udyok sa kanya na alertuhan ang kapwa niya security guard na tumawag at humingi ng tulong sa pulisya.

Pagdating aniya ng mga tauhan ng Substation 10, naabutan nilang nagmamadaling umalis ang mga suspek at nakorner sila sa ikalawang palapag ng gusali.

Sinabi ng hepe ng pulisya ng lungsod na boluntaryong isinuko ng mga suspek sa pulisya ang isang kitchen knife at isang sling bag na naglalaman ng glass tube pipe na may bakas ng hinihinalang shabu; isang .45 caliber pistol; magasin; 30 piraso ng bala; apat na empty shell at tatlong cellular phone.

Sinabi ni Pabonita na ang mga suspek ay nakakulong na sa Pasay City Police custodial facility at sinampahan ng mga kaukulang kaso. (Betchai Julian)

The post 2 Chinese nagpaputok ng baril sa condo first appeared on Abante Tonite.

For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.

Post a Comment

0 Comments