Matatalakay ang kabuti at kahirapan sa nakaraan ng mga dating player ng Negros Basketball Association sa unang pagkakataon pagdribol ng AcroCity NBA Legends Cup sa Sabado (Feb. 22) sa Bacolod City.
Sa pagkakaisa ng mga alumni at naninirahan na sa abroad gaya nina Victor Villarias, Jun Locsin, Mike Mustre, Freche Ang at Django Rivera, at sa pakikipagtulungan nina John Imperio at Bong Palo, maraming nagkainteres rito at inaasahan ng organizers ang pagdumog ng publiko sa Po Hang gym ng Tay Tung School.
Ilan sa inaasahang aabangan ng mga miron sina dating Philippine Basketball Assciation stars Noli Locsin ng Ginebra at Bong Ravena kasama si 1998 PBA MVP Kenneth Duremdes – Ilonggo mula sa Koronadal City – nba isinahog para madagdagan ang kinang ng kaganapan.
Sa halos 100 players na handang labanan ang Father Time, pinasya ng organizer na hatiin ang mga kalahok sa apat na team, na tumitiyak sa buong araw ng kasiyahan, kagalakan at katuwaan.
Sabak sa 11 a.m. opening game ang Team Bascon-Apir kontra Team MKU-QGo-AcroCity, kasunod ang giriang Team Azcona-Sapporo at Team p.m.
“We know how passionate these players are during their prime so we are one with them in their effort to provide joy in their communities, their way of giving back to their long-time supporters,” esplika nitong Huwebes ni Angelo Wongchuking, executive vice president ng Czark Mak Group, developer ng AcroCity sa Bulacan at iba pang luigar sa Central Luzon.
“This is one good project as former NBA teammates and rivals reunite to recall their good times and bad times during their early years,” hirit ni CZM Director Keith Wongchuking.
Gigiyahan nina Locsin at Duremdes ang Team Azcona-Sapporo kasama ang mag-utol na Villarias – Vernie at Victor – samantalang ibibida nina Nap Hatton, Dongking Sasuman at Leo Bat-og ang Team MKU-QGO-Acro City. Sina Peewee Demonteverde at Teruel Ahmit ang gigiya sa Team Bascon-Apir at sa Team Espino-CSA B-Upgrade sina Rex Bayer, Nene Paderog at Sarian Ordas.
Patok ang kampo nina Locsin at Duremdes lalo’t sasamahan pa nina Reul Bravo, Arnold Gamboa at Nonoy Pido.
Sasaluduhan din sa kaganapan ang NBA founding officials, na pinamunuan nang namayapang si Dodong Bascon. Bilang bahagi ng kanilang “giving back” project, libre ang “reunion games’ sa publiko. (Abante Tonite Sports)
The post Kenneth Duremdes, Noli Locsin papasiklab sa NBA Legends Cup first appeared on Abante Tonite.For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.
0 Comments