Allen Dizon ‘di bet mag-endorso ng kandidato

Isa si Allen Dizon sa mga pinarangalang top taxpayers ng Quezon City tatlong linggo na ang nakakaraan.

Kasama niya sa listahan sina Vice Ganda, Kim Chiu, Darren Espanto, Dingdong Dantes, Jennylyn Mercado, Dennis Trillo, Julia Barretto, Daniel Padilla, Catriona Gray at iba pa.

Ayon sa multi-award winning actor, flattered daw siya na tinanggap na pagkilala ng nasabing ahensiya sa kanyang effort bilang taxpayer.

“Actually, it’s a tax campaign para maengganyo ang ating mga kababayan na magbayad ng tamang buwis,”bungad niya.

Dagdag pa niya, proud daw siya na nagagawa niya ang ambag niya bilang isang responsableng mamamayan.

“Proud ako to do my share. Ever since naman noong start ko sa showbiz, di ko dinadaya ang tax ko. Bilang celebrity, malaking bagay kasi iyong makakapag-engganyo ka na magbayad ng tamang buwis and sana nga iyong taxes natin ay napupunta sa tama,” pahayag niya.

Dahil napapanahon ang tema ng eleksyon, hindi naman niya ikinaila na maraming beses nang may humikayat sa kanyang tumakbo sa politika.

“Marami. More than 10 na siguro. Ever since, pag malapit na ang eleksyon, pinatatakbo akong mayor, vice mayor, councilor o kaya’y board member,” lahad niya.

Gayunpaman, lagi raw niyang tinitimbang ang pros and cons ng pagtakbo kung sakaling magdesisyon siyang pumalaot sa nasabing larangan.

“May mga times na pinag-iisipan ko kung papasukin ko. Kailangan ko ba ito o kailangan ito para makatulong ako.. O kung sasakit lang ang ulo ko at mapaaga lang akong mamatay. Kasi, major decision iyong pagpasok sa pulitika. Iyong time ko bilang tatay, bilang asawa, bilang family man, naiisip ko na makakaapekto ba siya sa akin o sa pamilya ko. O baka hindi ko magawa iyong pagiging politiko ko. O baka ma-disappoint ko iyong mga taong masasakupan ko. O baka hindi ko makaya iyong obligasyon,”paliwanag niya.

Gayunpaman, di raw naman niya tahasang sinasabi na isinasara niya ang pinto sa politika.

“Siguro, pag dumating iyong time na settled na ako sa mga anak ko. Iyong time na nagte-tennis na lamang ako,” ani Allen.

“Pero depende pa rin, di kasi ako plastic na tao . Di ako nanloloko ng tao. Baka mahirapan ako. O baka maging follower na lang ako,”dugtong niya.

Hirit pa niya, never din daw siyang nag-endorso ng kandidato.

“Wala akong ini-endorse. Doon lang ako sa gitna. Ayokong pumanig kahit kanino. Baka magkamali ako, Baka ma-quote ako. May mga nag-offer, pero humihindi na lang ako para wala nang usapan. Pag pinagbigyan mo kasi iyong isa, pagbibigyan mo rin iyong iba. So para wala nang masabi, wala na lang,”esplika niya.

Maging ang asawa at mga anak daw niya ay hindi niya iniimpluwensiyahan sa mga minamanok nilang mga kandidato.
“Sila ang mag-research. Sila ang mag-decide kung sino ang iboboto nila. Wala naman kaming argument sa politics o religion. Iisa lang ang paniniwala namin kaya solid kami,” bulalas niya.

Aminado naman si Allen na sobra siyang na-challenge sa kanyang role sa kanyang latest starrer na “Fatherland.”
“Tatlo kasi siyang character. Iyong lead, meron siyang multiple personality disorder. Iyong unang part na kinunan sa Pampanga, nagkaka-Kapampangan ako. Tapos iyong isa, Muslim siya at iyong isa ay bakla,”sey niya. “Napakahirap niya especially noong magtagpo iyong kanilang mga characters in one frame,”pahabol niya.

Mula sa produksyon ng Bentria Productions ni Engr. Benjamin Austria at Heaven’s Best Entertainment, tampok din sa “Fatherland” sina Inigo Pascual, Richard Yap, Jeric Gonzales, Cherie Pie Picache, Mercedes Cabral, Arabella Davao, Angel Aquino, Max Eigenmann, Jim Pebanco, Rico Barrera, Abed Green at marami pang iba.

Palabas na sa mga sinehan simula sa Abril 19. Ito ay sa direksyon ni Joel Lamangan.(Archie Liao)

The post Allen Dizon ‘di bet mag-endorso ng kandidato first appeared on Abante Tonite.

For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.