PBBM kampante sa mga pulis, militar – Malacañang

Hindi na kailangan pang magsagawa ng loyalty check sa hanay ng Armed Forces of the Philippines (AFP) at Philippine National Police (PNP) sa gitna ng tensiyonadong sitwasyon sa politika ng bansa, ayon sa Malacañang.

Sa kanyang press briefing sa Malacañang, sinabi ni Presidential Communications Office (PCO) Undersecretary Claire Castro na tiwala si Pangulong Ferdinand `Bongbong’ Marcos Jr. sa mga pulis at militar sa gitna ng mga alegasyong pagbibitiw umano sa AFP at PNP kasunod ng pag-aresto kay dating Pangulong Rodrigo Duterte.

“Loyalty check? Wala po dahil kampante po ang Pangulo na ang ginawa naman po ng administrasyon ay naaayon sa batas,” Castro said.

Binanggit pa ni Castro ang pahayag kamakailan ni PNP spokesperson Brig. Gen. Jean Fajardo na itinangging may mga nagbitiw na opisyal ng pulisya bilang pahayag ng kanilang suporta kay Duterte.

“Ayon po kay General Fajardo, wala pong katotohanan na may nag-resign kung ito po ay may kaugnayan sa pagpapa-surrender ng gobyerno kay dating Pangulong Duterte sa ICC through the Interpol. Wala pong nagre-resign ayon po kay General Fajardo,” ayon kay Castro.

Itinanggi na rin ng AFP ang mga ulat ng umano’y pagbibitiw sa hanay ng mga military personnel matapos isuko si Duterte sa ICC at dinala sa The Hague, Netherlands noong Marso 11.

Inihayag naman ni Philippine Army spokesperson Col. Louie Dema-ala na walang beripikadong ulat tungkol sa mga kumakalat sa social media na pagbibitiw ng mga sundalo sa serbisyo.

Sinabi rin ni AFP spokesperson Col. Francel Margareth Padilla na walang katotohanan ang mga naturang ulat ng pagbibitiw ng mga military personnel dahil sa sinapit ni Duterte. (PNA)

The post PBBM kampante sa mga pulis, militar – Malacañang first appeared on Abante Tonite.

For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.