Jema Galanza iniakyat Creamline sa bronze match vs Chery Tiggo

STANDING

TEAM W L

PLDT 5 0

Kobe Shinwa 4 1

Chery Tiggo 3 2

Creamline 2 3

Cignal 1 4

Zus Coffee 0 5

Mga laro bukas

((Araneta Coliseum)

4 pm – Creamline vs Chery Tiggo

6:30 pm – PLDT vs Kobe Shinwa

Todo-kayod si Jessica Margaret “Jema” Galanza ng 18 points upang balikatin ang Creamline na walisin ang ZUS Coffee, 25-15, 25-18, 25-21, at umakyat sa bronze match sa tiklop ng 8th Premier Volleyball League Invitational Conference prelims nitong Biyernes ng gabi sa Smart Araneta Coliseum.

Ang panalo ay nagbigay sa Cool Smashers ng ikaapat na puwesto sa 2-3 (win-loss) slate at itakda rambol para sa bronze kontra sa pamilyar na karibal na pumangatlong Chery Tiggo (3-2) sa Linggo.

Tumirik sa unang laro ang Crossovers kontra pumangalawang Kobe Shinwa University (4-1), 21-25, 17-25, 26-24, 25-22, 15-6, naglagak sa Japanese squad na hamunin sa korona ang unang finalist na PLDT.

“Ito na ang huli naming laro sa prelims, kaya dapat ibigay lang namin ang best namin para sa momentum sa laban para sa ikatlo,” suma ni Galanza, na pumoste pa ng 13 excellent receptions, 11 digs para hiranging Best Player of the Game.

Umiskor ng tig-9 sina Alyssa Valdez at Michele Theresa Gumabao bilang ayuda kay Galanza sa paliga ng Sports Vision Management Group, Inc.

Bitin ang pinagsamang 24 pts. nina Alexis “AC” Miner (15) at Kate Santiago (9) sa Thunderbelles na walang naipanalo sa limang salang para mangulelat. (Abante Tonite Sports)

The post Jema Galanza iniakyat Creamline sa bronze match vs Chery Tiggo first appeared on Tonite - Abante.

For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.