Positibo si coach Ronald Tubid sa takbo ng kampanya ng Terrafirma sa PBA Season 50 Philippine Cup elims.
Kahit hatak ang 1-4 card, hindi pa umaatras ang Dyip.
Nawala sina Stanley Pringle, Terrence Romeo at Vic Manuel sa offseason, dumating naman si Jerrick Ahanmisi sa trade mula Magnolia, at sina Maverick Ahanmisi at Aljon Mariano galing Ginebra.
Nadedehado lang sa frontline ang Terrafirma, pero inaasahang masosolusyunan ang butaw kapag nakabalik si Kemark Carino mula ACL injury, at kung makakalaro na sina rookies Geo Chiu at Shawn Umali.
Sa 2025 draft noong September, top pick overall ng Dyip si 6-foot-9 Chiu, makakasampa sa pros kapag natapos na ang kampanya sa MPBL.
No. 18 selection si Umali mula College of St. Benilde. Malaki ang frame ni Umali sa 6-foot-3, magiging solidong pambara sa depensa at may tira sa labas.
“Kasi ang pace ng laro namin mabilis, kasi hndi naman kami ganu’n kalalaki. Kaya kailangan mabilisan, ikot lang ng ikot bola,” ani Tubid. “Pero kailangan organized kahit takbuhan, hindi bara-bara. Kailangan din hindi individual lang di-depensa, dapat buong team.”
Naaasahan din ni Tubid sina freshmen JM Bravo at Ira Bataller.
Ang dalawang huling taob ng Terrafirma kontra Magnolia at Rain or Shine, nagkatalo lang sa dulo.
“Kahit paano, kahit natatalo, alam mong kaya, hindi tulad dati na pagdating ng laro tingin ng ibang teams sure win na sila. Nabibigla na namin ngayon ibang teams,” dagdag ni Tubid, positibong mas magiging palaban ang team kapag nakumpleto. (Vladi Eduarte)
The post Marami pang sasagasaan Dyip – coach Ronald Tubid first appeared on Tonite - Abante.
For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.
0 Comments