PINANGUNAHAN ng 20 points, 8 rebounds ni CJ Cansino ang balanseng atake ng Meralco at sinagasaan ng Bolts ang Terrafirma 120-87 sa PBA Season 50 Philippine Cup sa Ynares Center sa Antipolo Miyerkoles ng gabi, December 10.
Umarangkada sa 9-0 start ang Dyip na sinolo ni Mark Nonoy, nang makabawi sa dulo ng first quarter ang Meralco ay kinontrol na ang laro at sa final minute ay dumistansiya pa hanggang 120-84 sa tatlong free throws ni Allein Maliksi.
Natagpas sa dalawa ang losing skid ng Bolts, umangat sa 4-4 at nanatili ang kapit sa 7th spot.
Oct. 29 pa huling naglaro ang Meralco, pagkatapos nu’n ay tumawid sa East Asia Super League.
“We were medyo worried because we really hadn’t had the chance to practice as a team,” ani winning coach Luigi Trillo. “We only had one practice.”
Nagdagdag si Chris Banchero ng 13 points, 8 dito sa 14-0 run ng Bolts para kumalas mula 10-16 count. May 12 points si Chris Newsome, 11 markers at 9 boards kay Raymond Almazan at 11-8 kay Bong Quinto na may 5 assists pa.
Naka-7 points si Brandon Bates na pinalamutian ng game-highs 16 rebounds at 3 blocks.
Ayon kay chief statistician Fidel Mangonon III, napagsarhan na sa quarterfinals ang Terrafirma na sa pampitong sunod na talo ay nabaon sa 1-8.
Pang-apat na sunod na conference at 20th sa last 21 na nasipa sa playoffs ang Dyip, 24th overall sa 26 conferences sapul nang sumali sa liga noong 2014-15 season.
Tumapos ng 22 points si Nonoy, 18 kay Paolo Hernandez at 13 si Louie Sangalang.
“We have a lot of respect for Terrafirma,” dagdag ni Trillo. “‘Yung record nila is not really what they’re about. This conference, they’ve been playing well. In fact, ‘yung last game against Titan they were up most of the game.” (Vladi Eduarte)
The post CJ Cansino, Bolts kinalampag Dyip first appeared on Tonite - Abante.
For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.
0 Comments