Todo pati pamato’t panggulo si Chris Ross bawat laro kapag tinatawag ang kanyang numero ni San Miguel coach Leo Austria.
Lalo nasa playoffs ng PBA Season 50 Philippine Cup.
Starter ni Austria sa one-spot si Ross sa 115-109 win ng Beermen kontra Ginebra sa Game 5 noong Miyerkoles (Jan. 14) sa Smart Araneta Coliseum.
Nilagare ng Fil-Am veteran playmaker ang magkabilang dulo ng court sa isinumiteng 9 points (3 of 7 shooting), 3 rebounds, 8 assists, 3 steals, 2 blocks panapal sa kanyang 4 turnovers sa 30 1/2 minutes.
Parang hindi 40 years old.
“Honestly, I don’t know how much longer I’m going to be playing so I don’t take each game for granted,” ani Ross, pumasok sa liga bilang third pick overall ng Burger King Whoppers (Air21 Express) noong 2009 draft. “I play each game as if it’s my last. I play with my heart.”
Isa sa pinaka-krusyal na play ni Ross sa final seconds nang habulin ang rebound matapos ang dalawang sablay ni teammate CJ Perez sa free throws. Tinapik ni Ross ang bola kay June Mar Fajardo, na-foul ang nine-time MVP at ibinaon ang dalawang charities 113-109.
Ganadong maglaro si Ross, kadarating lang ng inang si Virginia mula US at nanood sa Big Dome kasama ang anak ni Ross.
Umabante pa ng 17 ang San Miguel bago nagkasa ng 19-4 surge ang Gins.
“I don’t know if it’s relaxing (on our part) or they play desperate or do something to get back in the game. I mean it’s Ginebra so they’re gonna do something to get back in the game,” dagdag ni Ross sa pagsalag sa comeback. “We just gotta weather the storm. Doesn’t matter how much you win by in a series as long as you win whether by 1 point or 30 points, it’s a mark in the win column for us.”
Binasag ng Beermen ang series deadlock para sa 3-2 lead, may dalawang tsansa para bumalik at idepensa ang titulo – una sa Game 6 nitong Biyernes ng gabi sa Cubao venue rin. Kapag nanalo ang Gins, winner-take-all sa Linggo.
Kapag nagtuloy ang SMB sa championship round, rematch sila ng naghihintay nang TNT. Nadiskaril ang grand slam bid ng Tropang 5G noong nakarang season nang sikwatin ng Beermen ang korona ng all-Filipino. (Vladi Eduarte)
The post Chris Ross binubuhos lahat ang werpa sa PH Cup semis first appeared on Tonite - Abante.
For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.
0 Comments