Ikinalat ni Robert Bolick ang 13 sa kanyang game-high 24 points sa fourth quarter at kinumpleto ang ahon ng NLEX mula 16-point down para idiskaril ang Blackwater 84-81 sa kani-kanilang debut game sa PBA 50 Commissioner’s Cup sa Ninoy Aquino Stadium nitong Biyernes ng gabi.
May 7 assists, 4 steals pa si Bolick, nagsumite ng 22 points, 16 rebounds, 2 blocks si import Cady Lalanne.
Nag-deliver din ng 10 points, 5 rebounds, 3 assists, 4 steals si Schonny Winston sa debut game sa Road Warriors tapos i-trade ng Converge, kasama si Kevin Racal, para kina Jonnel Policarpio at Javee Mocon.
Naiwan hanggang 33-17 sa second quarter ang Road Warriors na 11 of 44 lang sa field sa first 24 minutes, naibaba ang deficit 41-34 sa halfitme.
Pagbalik mula sa break, until-unting nakuha ng NLEX ang ritmo hanggang agawin ang lead sa unang pagkakataon 56-55 sa split free throws ni Louelljay Gonzales 3:06 sa third.
“Anybody will go through this phase naman in the first games, medyo kapaan unless wala kang kapalitan, unless ‘di ka nagpalit ng mga personnel,” lahad ni coach Jong Uichico. “We’re still looking for the right combination. Mabuti na lang na-overcome namin ang magandang laro ng Blackwater.”
Sa pangunguna ni Bolick, umarangkada ng 12-0 run ang NLEX sa fourth para kumalas 81-75, 3 minutes pa.
Nakadikit pa ang Bossing nang ibaon ni Bolick ang dagger 3 para sa 84-79 separation 37 seconds na lang.
Sa jumper ni Daniel Ochefu ay dinikit ng Blackwater 84-81, natawagan ng 24-second violation ang Road Warriors sa kasunod na possession.
Nagkaroon ng huling tsansa sa final 8 seconds ang Bossing pero humalik lang sa rim ang 3-point attempt ni Christian David sa buzzer.
Hindi naisalba ng 18 points ni Sedrick Barefield at 16 ni Ochefu ang Blackwater. Maalat na 6 of 14 sa field si Barefield, 5/14 si Ochefu, may 16 rebounds, 3 assists at 2 blocks pero kanya ang 4 sa 20 turnovers ng Bossing.
Tumapos ng 12 markers si David.
Nangolekta ang Road Warriors ng 24 points mula sa miscues ng Bossing, nangibabaw rin sa starter points 65-31. (Vladi Eduarte)
The post Robert Bolick promotor ng NLEX sa pagpapatagas vs Blackwater first appeared on Tonite - Abante.
For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.
0 Comments