Nang lumakad si UAAP MVP Kaye Emana sa mga court ng WTA 125 Philippine Women’s Open noong Enero sa Rizal
Memorial Tennis Center, hindi maikakaila ang kanyang talento, pero kita na hindi siya komportable.
Hinahatak-hatak ang kanyang salamin sa mga rally, mukhang mas abala pa siya roon, nahahati tuloy ang kanyang atensyon sa bola at sa salamin na hindi alanganing nakasuot sa kanyang mukha.
Ang sandaling iyon ang kumuha sa atensiyon ng FDM Neuroscience and Vision Care Research and Training Institute, nasilip ang higit pa sa ibabaw: isang may potensyal na atleta na nahahadlangan ng isang simpleng bagay, pero napakahalaga, tulad ng kagamitan sa paningin.
Sa buong suporta ng Philippine Sports Commission, inanyayahan si Emana para sa isang komprehensibong pagsusuri noong nakaraang buwan sa ilalim ng programa ng FDM Institute na pinamumunuan ng tagapangulo na si Dr. Teresita Yambot.
Dahil sa pagkakaisa ng PSC at FDM Institute, nakatanggap si Emana ng dalawang pares ng salamin sa loob ng dalawang araw na pagsusuri sa mga miyembro ng pambansang pool bilang bahagi ng programang tinatawag na “Sight on the Goal, Sports Performance Vision in Action” kamakailan sa Rizal Memorial Coliseum.
“Feel ko ‘pag nagka-right glasses na ako, mas maayos ang movement ko, and maso-show ko talaga ‘yung laro ko. Like, naka-focus lang ako sa shots. Hindi ko iisipin ang salamin ko. Kaya, palo lang nang palo,” salaysay ng tenista mula sa University of Santo Tomas.
Nakatanggap siya ng salamin para sa pang-araw-araw na gamit at isa pang dinisenyo para sa pagsasanay at kompetisyon mula kina Dr. Aaron Gary ‘Bugsy’ Lising ng Joseph Sabater Paredes – Ophthal Mix (mga frame) at Dr. Gina Acla (mga reseta ng lente) na nagkakahalaga na ₱50,000.
“Bahagi ito ng aming patuloy na pagsisikap na tulungan ang ating mga pambansang atleta at bigyan sila ng pinakamainam na pangangalaga, sa kasong ito ang kanilang paningin. Talagang isang mata na bumubukas sa kung ano ang kinakailangan para sa ating mga atleta na mas mag-perform pa ng mas mahusay,” lahad ni PSC Chairman John Patrick Gregorio.
Kasama sina Dr. Vittorio Mena Jr. at Dr. Elizabeth Nace bilang mga panauhing tagapagsalita at dinaluhan ni PSC Commissioner Matthew Gaston, inihayag sa paglulunsad ng programa ang mga karaniwang isyu sa mga manlalaro, kabilang ang mga maagang senyales ng pinguecula at pterygium mula sa matagal na pagkakalantad sa UV.
Sa pamamagitan ng mga terapiyang suportado ng siyensya at mga teknik sa pag-hydrate, layunin ng mga eksperto na protektahan ang mga manlalaro mula sa pangmatagalang pinsala habang pinapatalas ang kakayahang makipagkumpetensya.
Nariyan din upang pangasiwaan ang Sports Vision program ng mga miyembro ng mataas na antas ng institusyon na pinangungunahan nina Dr. Marisse Paredes, Dr. Maricris Lim, Dr. Analyn Cruz, Dr. Lising at Dr. Noel Paed, kasama ang kumpletong staff.
Para kay Emana, ang paglalakbay tungo sa mas magandang paningin ay higit pa sa isang personal na pag-angat, ito ay sagisag ng isang bagong kabanata sa kapakanan ng mga atleta sa ilalim ng PSC. Ang pakikipagtulungan ng PSC-FDM, na sinusuportahan ng isang malakas na puwersa ng 300 residente, kliniko, at intern mula sa anim na unibersidad sa buong bansa, ang nanguna sa isang holistikong diskarte sa pagganap sa isports.
“Ang pagtanggap ng dalawang pares ng salamin na ito ay napakahalaga sa akin. Sa mas malinaw na paningin at salaming akma at matatag, mas nagiging kumpiyansa ako tuwing sumasalang ako sa court,’’ sey ni Emana.
“Taos-puso akong nagpapasalamat sa PSC, Sports Vision at FDM Institute sa pagtulong sa mga atleta tulad ko na makapag-perform ng aming pinakamahusay,” dagdag ni Emana, isang pangunahing miyembro ng pambansang koponan sa ilalim ng Philippine Tennis Association (Philta).
Sa kanyang bagong salamin, si Emana ngayon naglalakad sa court na may kalinawan, kumpiyansa, at hindi matitinag na pokus.
Ang kanyang kwento ay patunay na minsan, ang pinakamaliit na mga pagbabago, tulad ng isang pares ng tamang sukat na lente, maaaring magbukas ng pinakamalaking mga tagumpay. (Abante Tonite Sports)
The post Bisyon ni Kaye Emana tumalas sa loob, labas ng tennis court first appeared on Tonite - Abante.
For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.
0 Comments