Record-breaking ang 142-131 panalo ng Rain or Shine kontra Titan Ultra sa pagtatapos ng kani-kanilang kampanya sa eliminations ng PBA 50 Commissioner’s Cup sa Ninoy Aquino Stadium nitong Biyernes ng gabi.
Inangklahan nina Jaylen Johnson at rookie Christian Manaytay ang kalas ng Elasto Painters sa third quarter nang mula sa manipis na 68-64 edge sa halftime ay pinamaga sa 116-90 papasok ng fourth.
Ikinalat ni Johnson ang 25 sa kanyang game-high 31 points sa middle quarters, 11 dito sa third. May 11 rebounds, 7 assists, 2 blocks pa ang import, iniupo na sa fourth matapos ang 25 1/2-minute job.
May 8 markers naman si Manaytay sa third bago tumapos ng 18 points mula sa epektibong 8 of 9 shooting, may 8 rebounds, 4 assists, 2 steals at 1 block.
Nagsumite rin ng 18-6-6 si Caelan Tiongson, may tig-14 markers sina Adrian Nocum at Santi Santillan na kumalawit pa ng 12 boards at nakuha ng Painters ang target na 9 wins pagkatapos ng 12-game eliminations.
Pasok na sa top four at twice-to-beat sa quarters ang Rain or Shine, seeding na lang ang dedesisyunan sa huling dalawang araw ng elims.
Namaga pa ang lamang hanggang 137-107 sa final stanza.
“Mindset lang namin going to the game was ‘yun nga, getting 9 wins,” lahad ni coach Yeng Guiao. “Prepare ourselves physically and mentally for the playoffs and the best way we can do that is to come off a win.”
Halos lahat ng bunot ni coach Yeng Guiao sa third, nakisali sa 19-5 run na nagtulak sa Painters sa 98-80 lead.
Nasa 10 sa Painters ang pumasok sa scoreboard sa third.
Sumasabay pa sa first 36 minutes ang Titan pero wala nang naisagot nang magsimulang kumalas ang RoS. Sa third, 9 of 25 lang ang Giant Risers.
Binuhat ng 23 points ni Bryan Sajonia at 21 ni Joshua Munzon ang Titan, natapos ang conference na dead-last sa 2-10. May 17 si Fran Yu, 15 kay Aris Dionisio at tig-12 sina Von Pessumal at Jerick Balanza pero 4 of 15 shooting lang ang kinaya ni import Earl Gilmore tungo sa 9 points, 10 rebounds.
Ayon kay chief statistician Fidel Mangonon III, all-time franchise record ng Rain or Shine ang 42 assists, 70 rebounds, 48 third-quarter points, 43 fastbreak points at 70 bench points. (Vladi Eduarte)
The post Jaylen Johnson, Christian Manaytay nilupasay ang Titan Ultra Giant Risers first appeared on Tonite - Abante.
For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.
0 Comments