Karamihan sa mga manlalaro tanggap ang kahit isang practice round bago harapin ang mahigpit na Pinewoods Golf and Country Club sa Baguio, pero hindi na para kay Lloyd Jefferson Go.

Dumating mula Bangkok isang gabi lang ang pagitan, nag-iwan si Go ng hindi malilimutang unang impresyon sa hamon ng mountain layout, nagpakawala ng walang kapintasang dalawang eagle na pinabilis sa 8-under par 64 upang makuha ang isang matibay na 3-shot lead kontra Jeffren Lumbo pagsiklab ng ICTSI Pinewoods Challenge nitong Martes.

Gumawa ng debut ang Pinewoods sa 18th Philippine Golf Tour 2026 leg 3 bilang host venue, agad pinatunayan ang reputasyon bilang isa sa mga pinakamahihirap na golf couse sa bansa. Ang makikitid na landing areas, mga sidehill fairway, matitinding pagbabago sa elevation, mapanganib na hazards, mahihirap na pin placements at mga green na parang salamin ang nagpaparurusa kahit sa pinakamaliit na pagkakamali, habang ang makapal na ulap na makailang ulit na nagpahinto sa mga laro, gum01ugulo ng ritmo sa mga player.

Pero sa tuwing nagpapatuloy ang laro, bumabalik si Go sa dating gawi sa palarong inoorganisa ng Pilipinas Golf Tournaments, Inc.

Sa halip na mawalan ng momentum tapos ng bawat pagkaantala dulot ng fog, nanatiling kalmado ang Cebuano ace, maingat na pinlano ang ruta sa paligid ng kurso nang may kahanga-hangang katumpakan, at sinamantala ang bawat pagkakataon para makapuntos. Ang disiplinadong pamamaraan, mahusay na putting, at walang kapintasang pamamahala ng kurso ang nagbago sa inaasahang pagsubok ng kaligtasan ng marami sa isang virtual na klinika.

Kabilang sa mga nangungunang manlalaro ng Tour, natural na inaasahan na makikipagtagisan si Go. Kaunti, gayunpaman, ang makakapag-asa ng isang napakagandang pambungad na round sa isang kurso na hindi pa niya nilalaro.

“Kakatapos ko lang galing Bangkok kagabi at ito ang unang beses kong maglaro sa kurso ngayon, kaya talagang naging mas konserbatibo ako sa aking laro,” sambit ni Go.

Ang konserbatibong plano sa laro ay halos hindi lumabas sa scorecard.

Nag-birdie siya sa No. 3 at 7 bago naka-eagle sa par-5 na ika-10 butas. Makalipas ang isa pang mahabang pagkaantala dahil sa fog, nag-birdie siya sa No. 14, nag-chip in para sa pangalawang eagle sa par-4 17th, at tinapos ang round sa isa pang birdie sa closing hole upang makumpleto ang isa sa pinakamaangas na opening rounds sa PGT ngayong taon.

“Masuwerte lang ako na sa tuwing magkamali ako ng tira, palaging napupunta ito sa tamang lugar, palaging pataas,” dagdag niya.

Sa mga kilalang makinis na greens ng palaruan, iyon ay napatunayang napakahalaga.

“Ang pangunahing hamon dito ay iwasan ang mga hazard, OBs at panatilihin ang bola sa fairway,” esplika ni Go, na patuloy na naghahanap ng pangalawang titulo sa PGT pagkatagumpay sa Palos Verdes noong 2024.

“Mas mahalaga, lagi mong iwanan ang sarili mo sa uphill saan man naroon ang mga pin dahil kung hindi at iwanan mo ang sarili mo sa downhill putt o chip, napakahirap.”

Ang kanyang putting ay kasing kahanga-hanga, paulit-ulit na naisasakatuparan ang mga pagkakataong nilikha habang tiwala na hinahawakan ang mabilis na mga green, kung saan kahit ang maiikli ng downhill putts ay maaaring maging nakakabahala.

“Ang ganda ng putting ko. Sa tingin ko, iyon ang pinakamahalagang susi. Wala akong na-miss na putt sa buong laro,” dugtongh niya, ukol sa kumpiyansa na mayroon sa halos lahat ng pagkakataong maaring makuha.

Pinagsama ni Lumbo ang isa sa pinakamalakas na pagtatapos ng araw upang makuha ang solo ikalawang pwesto sa 067. Pagkapalitan ng dalawang birdie at parehong bilang ng bogey sa unahan, nagliyab siya sa pag-uwi, nakapag-birdie ng lima sa huling siyam na butas upang mapanatili ang sarili sa malapit na distansya.

“Maganda lahat sa backnine – tee-shot, wedge, at putting kaya nag-click ang laro ko ngayon,” suma ni Lumbo, na ang huling pagsiklab ang nagdala sa kanya sa maagang laban para sa pangalawang Tour title.

“Mahirap ang course, sa liit ng mga green at bilis nito, kailangan puwesto-puwesto lang,” dagdag ni Lumbo, na nagtagumpay sa kanyang unang PGT title tapos talunin si Russell Bautista sa isang limang butas na playoff sa South Pacific noong nakaraang taon.

Si Clyde Mondilla ang gumawa ng pinaka-kahanga-hangang tira sa torneo, nakakuha ng isang bihirang albatross – isang dalawa sa No. 10 – upang maka-69 at makihati sa ikatlong pwesto kay Collin Wheeler.

“Nilaro ko ito nang maingat, tumama ng 4-iron mula sa tee, pagkatapos ay 7-iron buhat sa 200 yards, at pumasok,” sabi ng multi-titled na si Mondilla, na tumutukoy sa unang career albatross. Umangat siya sa 5-under na may magkasunod na birdie mula sa No. 13 pero nagbigay ng dalawang stroke pabalik sa huling dalawang butas tapos ng maling tee shot.

Sins Fidel Concepcion at Lee Song may parehong 70s para magtali sa ikalimang puwesto, habang si Zanieboy Gialon ns nakapag-birdie sa tatlong butas sa likod, pero nabawasan ang pagsulong ng dalawang bogey para sa 71, bumuhol kina Rico Depilo, Yoshizawa Ichiru at Rupert Zaragosa sa isang apat na magkakatabla sas ikapitong puwesto.

Habang ang Pinewoods palaging nagbibigay gantimpala sa pasensya at katumpakan kaysa sa pisikal na distansya, sinamantala ni Go ang matalinong pamamahala sa kurso tuwing may mga pagkakataon. Mas mahalaga, iniiwasan niya ang mga problema sa nakakatakot na par 35-37 na layout.

Ang resulta ay marahil ang pinaka-hindi inaasahang unang araw ng PGT season na ito.

Tatlo sa mga paborito bago ang torneo – sina Tony Lascuña, Angelo Que at Keanu Jahns – lahat ay nahulog sa awa ng isa sa mga pangunahing kurso ng Sta. Lucia.

Nahirapan si Lascuña, na nanalo sa pro-am noong Lunes, na makapasok sa Top 40 at ties cut. (Abante Tonite Sports)

The post Lloyd Go tumipa ng 64 para itarak ang 3 palong bentahe first appeared on Tonite - Abante.



For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.