Kumpiyansa ang ‘Pinas sa tsansa sa 16th Asian Volleyball Confederation (AVC) 2026 Girls’ U18 Championship na sasambulat ngayong Miyerkoles, Hulyo 1 sa Nakhon Ratchasima, Thailand.

Ang unang laban ng Nationals sa Pool C ay kontra 2025 Asian Youth U19 champion Iran sa araw na ito, pagkatapos ay Japan sa Hulyo 2 at Indonesia sa Hul. 3.

“Mayroon tayong mga talentadong manlalaro, kailangan lang nilang pagbutihin ang kanilang laro,” pahayag nitong Martes ni national coach Rey Karl Dimaculangan, na inaasistehan nina Keenan Quitco at Marco Ely Maclang.

Sina Xyz Ellen Rayco at Maria Ellanie Lorraine Gonzalvo ang mga mamumuno sa koponan, na galing sa pagkapanalo ng medalyang tanso sa Thailand Princess Cup, dalawang araw pa lang ang ang nakalilipas.

Kasama rin sa roster sina Sharina Rhayza Lleses, Frances Dianne Ramos, Micaella Gould, Irish May Mahinay, Venus Anne De Guia, Ghenievib Belen, Ysabelle Patricia Cruz, Slash Nicole Obera, Maria Ysabelle Tuballas, Princess Khaira Manzano, Jhaynna Love Bulandres at Adelaine Terese Agustin.

Karamihan sa mga manlalaro ay miyembro ng 2026 Palarong Pambansa champion National University-Nazareth School. Si Lleses ay galing sa King’s Montessori ng Quezon City, habang si Gonzalvo ay kasama ng Adamson University Baby Falcons.

Nasa Pool A ang Thailand, Uzbekistan, Australia at Mongolia. Ang Pool B ay may China, Kazakhstan, Hong Kong at Kyrgyzstan, habang bumubuo sa Pool D ang Chinese Taipei, Korea, India at 2026 Princess Cup silver winner Vietnam.

Pinakamahirap ang napuntahang grupo ng mga Pinay dahil 9-time champion ng torneo ang Japanese habang ang Iranian ang reigning Asian Youth Games titlist. (Abante Tonite Sports)

The post Xys Rayco, PH 6 palo sa AVC Girls Under-18 Championship first appeared on Tonite - Abante.



For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.