Nakibahagi sina Cherry Ann ‘Sisi’ Rondina-Rosales, Bernadeth Pons at Bryan Bagunas sa entablado kasama ang mga pinakamahusay na mga manlalaro sa unang Asian Volleyball Confederation (AVC) Gala Awards sa Seesarin Studio sa Bangkok noong Sabado ng gabi.
Tinanggap ng tatlong bituin ng ‘Pinas ang Fans’ Choice Beach Volleyball at Men’s Volleyball Player trophies sa Gala na inorganisa ni AVC president Ramon ‘Tats’ Suzara.
“Ang pagkilalang ito ay nagbigay inspirasyon sa amin na magpursige at tingnan kung ano pa ang maaari naming gawin para sa aming bansa,” pahayag ni Bagunas, isang siyam na taong miyembro ng pambansang koponan na naging kapitan ng Alas ‘Pinas na may makasaysayang panalo sa FIVB Men’s World Championship na inorganisa ng bansa sa nakaraang taon.
“Napakaligaya at napaka-proud namin,” dagdag ni Bagunas, na nakasuot ng isang likha ni Avel Bacudio at kasalukuyang naglalaro saOsaka Blueton sa Japanese SV League. “Malaking tulong ito para sa susunod naming kompetisyon – ang Asian Games.” Naniniwala akong kaya naming manalo.”
“Masaya kami na nandito kasama ang mga pinakamahusay sa Asia,” sey ni Rondina-Rosales, na nakas-Filipiniana mula kay Ryan Ablaza, na siya ring nagdisenyo ng kanyang gown sa kasal sw kapwa beach volleyball national player na si Ronniel Rosales.
Labis naman ang pasasalamat Pons sa parangal.
“Mapagpasalamat sa pagkakataon at napakagandang pakiramdam kapag kasama mo ang mga pinakamahusay sa paborito mong isport,” aniya. “Nagpapasalamat kami sa AVC, FIVB at kay sir Tats (Ramon Suzara) sa pag-organisa ng ganitong uri ng kaganapan at sa mga tagahanga na kumilala sa amin.”
Nang tanungin tungkol sa gown na, tulad ng kay Rondina-Rosales, espesyal na binanggit niya sa mga host: “Secret,” aniya na may tawa.
“Isang patunay ito kung gaano na tayo kalayo, ang narating pagkatapos ng 74 taon ng AVC. Labing-labis akong nagpapasalamat na nag-host tayo ng ating kauna-unahang AVC Gala dahil ipinakita natin ang respeto sa isa’t isa sa kabila ng iba’t ibang kultura, iba’t ibang wika, pero tayo ay isang pamilya sa ilalim ng bandila ng AVC,” saad sa Ingles ni Suzara.
Ang presidente ng FIVB na si Fabio Azevedo puno ng papuri sa Gala.
“Napakaganda dahil nandito tayong lahat at labis na masaya.” Ito ang unang gabi, pero sigurado akong magiging tradisyon ito dahil mahalagang parangalan ang ating mga atleta na nagbibigay inspirasyon sa susunod na henerasyon,” pahayag sa Ingles ni Azevedo.
“Magandang kaganapan ng AVC para sa mga tagahanga ng volleyball,” dagdag niya.
Si Laguna Diva Arabelle Dela Cruz ng GMA 7 ang naging bituin ng gabi na humanga sa mga mataas na opisyal at atleta mula sa lahat ng 65 miyembro ng AVC.
Kabilang sa mga nagbigay ng mga parangal sina Philippine Ambassador to Thailand Millicent Cruz Paredes, Candon City Councilor Eric Owen Singson Jr. na kumakatawan kay Mayor Eric Singson, Rolly Delfino ng Rebisco, at Premier Volleyball League competition director Sherwin Malonzo. (Lito Oredo)
The post Sisi Rosales, 2 pa rumampa sa unang AVC Gala Awards first appeared on Tonite - Abante.
For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.
0 Comments