Kandidatong bibili ng boto yari sa Comelec

Mananagot ang sinumang tatanggap o bibili ng boto sa pama­magitan ng electronic transfer.

Ito ang iginiit ni Com­mission on Elections spokesperson James Jimenez, matapos mag­bigay ng pahayag si Vice President Leni Robredo, isang kandidato sa pagka-pangulo, na nagsabing maaaring tumanggap ng pera mula sa isang tatak­bo pero iboto lamang ang nais na kandidato.

Base pa sa pahayag ni Robredo, kadalasang nagaganap na ngayon ang digital vote-buying. Karamihan aniya sa mga kandidato ay hindi gumagamit ng sarili nilang pera sa pagbili ng boto.

“I disagree with the notion of taking the money and voting ac­cording to your con­science. Vote buying is an election offense regard­less of financial situation or noble intentions,” ayon sa tweet ni Jimenez.

“‘Di dapat ginagawa, at ‘di dapat sina-suggest ‘yan sa mga botante,” dagdag niya.

Ang vote-buying at vote-selling ay kinokon­siderang isang election offense sa ilalim ng Sec­tion 261 ng Omnibus Election Code. (Vick Aquino)

The post Kandidatong bibili ng boto yari sa Comelec first appeared on Abante Tonite.