Pumalo ng 12 points si Joshua ‘Jao’ Umandal upang walisin ng North Cotabato AMC ang One Balagtas Bulacan, 25-21, 25-18, 25-15, at upuan ang No. 2 ranking sa men’s Pool B ng 2nd Philippine National Volleyball Federation 2022 Champions League Huwebes sa Philsports Arena sa Pasig.
Sumaklolo si Fauzi Ismail ng 10 markers para sa G-Spikers na umakyat sa 3-1 win-loss slate sa elims upang magmartsa sa knockout quarterfinals ngayong Biyernes sa torneong mga suportado ng Philippine Sports Commission, Rebisco, PLDT, Philippine Olympic Committee, Cignal HD, One Sports, Cignal Play, F2 Logistics at Amigo Segurado.
Ang National University-Pasay City ang naging Pool B winner via 4-0 sweep, kasama ang 25-13, 25-16, 25-15 pagtabig sa Aklan nitong Miyerkoles ng gabi.
Swak din sa quarters sa Pool A ang PGJC-Navy at Cignal at sa Pool C ang TARAG-Lolek Bacolod at Army Taguig City. (Abante TONITE Sports)
The post Joshua ‘Jao’ Umandal, North Cotabato AMC umiskor sa PNVF Champions League first appeared on Abante Tonite.
0 Comments