Natapon lang sa basurahan ng pinaghirapang tig-19 points nina June Mar Fajardo at Torrent Jones nang kapusin ang San Miguel Beer kontra Eastern, 71-62, sa 3rd East Asia Super League 2024-25 group stage nitong Miyerkoles sa Southorn Stadium sa Wan Chai, Hong Kong.
Malamya ang umpisa ng Beermen na nalubog s 18 points sa opening half, pero pumalag sa 58-60 sa mahigit anim na minuto sa final quarter, saka gumanti ang HK-based squad ng 11-0 blast para umangat sa 1-2 at ilaglag ang bisitang kampo sa 0-3 sa Group A prelims.
Lumagari rin ng 19 para sa Eastern si Kobey Lam samantalang sumaklolo si Chris McLaughlin sa iniskor na 16.
Sa Group B sa Busak Sajik Gymnasium sa South Korea, sinalag ng Busan KCC Egis (1-3) ang rally rin ng Meralco (2-2) upang ikasa ang 72-68 win.
Bitin ang pinagsamang 40 markers sa Bolts nina David Kennedy (23) at Akil Mitchell (17) sa home-and-away 6-nation, 10-team men’s hoopfest.
Bida sa Korean team sina Heo Ung na may 31 pts. at Deonte Burton na naka-26. (Abante Tonite Sports)
The post June Mar Fajardo, San Miguel dehins umubra kontra Eastern first appeared on Abante Tonite.
0 Comments