Isang lumang batas ang bihirang naipapatupad kung saan puwedeng bawiin ng estado ang anumang yaman na ilegal na nakuha ng isang opisyal ng gobyerno kahit pa hawak ito ng asawa, kamag-anak o proxies, ayon sa abogadong si Mike Toledo.
Sa kanyang programang “Abogado” sa Bilyonaryo News Channel, sinabi ni Toledo na kahit kaliwa’t kanan ang kaso ng katiwalian, bihirang gamitin ang Republic Act No. 1379 o ang Forfeiture Law.
Ang nasabing batas na ipinasa noong 1955 ay nagbibigay kapangyarihan sa estado na kumpiskahin ang kaduda-dudang yaman ng opisyal ng gobyerno.
“It’s a law with teeth,” ayon kay Toledo.
Sakop ng batas ang lahat ng may posisyon sa gobyerno — hinirang, inihalal o nakakontrata pati na ang mga nasa government-owned or -controlled corporation.
Puwede aniya magsampa ng kaso ang Office of the Solicitor General kung saan bibigyan ng pagkakataon ang opisyal na ipaliwanag ang kanyang yaman.
Kapag hindi aniya maipaliwanag ng opisyal kung saan galing ang sobrang yaman, awtomatikong kukumpiskahin ng gobyerno.
“Once that’s established, the burden of proof shifts to the public official to explain the excess. If they can’t, the assets are forfeited in favor of the state,” sabi ni Toledo.
Sa kabila nito, mas madalas pa ring gamitin ang Anti-Graft and Corrupt Practices Act kaysa sa RA 1379.
Kinuwestiyon ni Toledo kung bakit hindi mas agresibo ang paggamit sa may ilang dekada ng batas.
“To the malevolent mind, the specter of forfeiture should scare the living daylights out of them. Why haven’t we used it more?” ani Toledo. (Issa Santiago)
The post Lumang batas kontra ill-gotten wealth hindi ginagamit? first appeared on Tonite - Abante.
For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.
0 Comments