Shai Gilgeous-Alexander sokpa sa kalibre ni Wilt Chamberlain

Sa oras ng peligro, pumunta ang Oklahoma City Thunder kay reigning MVP Shai Gilgeous-Alexander para isalba ang panalo sa 80th NBA regular season.

Nagsalpak ng step-back 3-pointer si Gilgeous-Alexander 2.7 seconds na lang sa laro at itinumba ng OKC ang Denver Nuggets 129-126 noong Lunes ng gabi sa Paycom Center.

Tumapos si SGA ng 35 points at career-high 15 assists – pangalawang player lang sa league history na nagsumite ng ganitong totals na may zero turnovers. Kumalawit din siya ng 9 rebounds.

Inakbayan din ni Gilgeous-Alexander ang league record ni Wilt Chamberlain sa pinakamaraming sunud-sunod na 20-point games.

Sumampa si Gilgeous-Alexander sa 20-point mark sa third quarter sa 126th straight game, pinantayan ang nilistang record ni legend Chamberlain noong 1961-63.

Nag-ambag ng 29 points si Jaylin Williams, may 24 markers pa si Ajay Mitchell sa Thunder (51-15).

Abante ang OKC 126-122, nagbaon ng 3-pointer si Nikola Jokic para idikit sa isa.

Natawagan ng off-ball foul si Williams habang nakikipaggitgitan sa screen, ipinasok ni Jamal Murray ang free throw para itabla sa 126-all.

Kay Gilgeous-Alexander ang huling atake ng Oklahoma City, umangat sa harap ni Spencer Jones at nahulog sa net ang kanyang pangalawang 3 sa final 14 seconds ng laro.

Malayo na sa target ang bato ni Aaron Gordon mula 61 feet sa buzzer.

Kinapos ang Nuggets (39-26) sa kabila ng 32 points, 14 rebounds, 13 assists ni Jokic – pang-24 na triple-double niya sa season at 188th ng career. Nagdagdag ng 28 markers si Tim Hardaway Jr., tumapos si Gordon ng 23 points, 10 boards. (Vladi Eduarte)

The post Shai Gilgeous-Alexander sokpa sa kalibre ni Wilt Chamberlain first appeared on Tonite - Abante.

For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.