RJ Abrrientos pinakatok ang final slot sa Ginebra

Kinamada ni RJ Abarrientos ang 10 sa kanyang 31 points sa fourth quarter at tinakbuhan ng Ginebra ang Rain or Shine 111-104 para sa 3-2 lead sa kanilang PBA 50 Commissioner’s Cup semis sa harap ng 11,779 gate attendance sa Smart Araneta Coliseum nitong Biyernes ng gabi.

Bumalik din ang shooting mula sa labas ng arc ng Gin Kings, puwede nang isara ang series sa Game 6 sa Ynares Center sa Antipolo sa Linggo.

“A lot of things went our way tonight which is great and we were fortunate,” suma ni coach Tim Cone. “But we gotta move on and be locked in to Sunday and let’s get going on Sunday.”

Nagliyab ng 96 points ang starter ni Cone kumpara sa 69 ng first five ni coach Yeng Guiao sa kabila.

Third career-best ni Abarrientos ang sinalansan, pareho sila ni Justin Brownlee na 12 of 21 sa floor. May palamuti pang 6 rebounds, 6 assists, 4 steals at 2 blocks si Brownlee, namigay ng 8 assists si Abarrientos.

Solido rin ang kontribusyon ni Troy Rosario na 16 points at 7 rebounds, 9 markers kay Scottie Thompson, at si Ralph Cu na may 8 points, lahat sa fourth tampok ang dalawang tres.

Nagkatotoo ang sinabi ni Rain or Shine coach Yeng Guiao pagkatapos ng 97-85 win ng Painters sa Game 4 na babalik ang nakakangilong shooting mula long distance ng Gins.

“Siguro mas winork-out namin lahat ng puwede naming gawin, adjustements, game plan namin sa defense and sa offense para magkaroon kami ng flow sa game,” ani Abarrientos. “Grabe rin ang adjustement ng Rain or Shine, talagang nasasabayan kami. Hats off to them, pinapahirapan kami ngayong series. May isa pa kaming game na kailangang trabahuhin.”

Diyeta sa 5 for 23 shooting sa 3s sa larong ‘yun ang Ginebra, bounce back sa 19 for 43 clip mula sa labas ng dalawang arc (3 for 4 sa 4s) sa Game 5 – 5/9 (1/1 sa 4s) si Abarrientos, 4/10 (2/3 sa 4s) si Brownlee, at 3/4 si Thompson.

Mula sa 56-44 deficit ng Rain or Shine sa halftime, nagsalansan ng 15 straight points si Adrian Nocum at bigla ay humihinga na ang Elasto Painters sa batok ng Gins 67-64 may 6 minutes pa sa third quarter.

Tinapos ng Gins ang period sa 16-7 surge, huli ang buzzer-beating 4 ni Abarrientos para ibalik sa 12 ang lamang, namaga pa hanggang 101-83 sa tres ni Cu papasok sa final 4 minutes.

Pinantayan ni Nocum ang kanyang third playoffs-best na 25 points pero hindi na umiskor sa final canto.

May 22 points, 14 rebounds si Jaylen Johnson, 20 at 10 si Jhonard Clarito at pinagsamang 21 markers sina Gian Mamuyac at Caelan Tiongson pero naubusan ang Painters.

Iskor

GINEBRA 111 – Brownlee 32, Abarrientos 31, Rosario 16, Thompson 9, Holt 8, Cu 8, Gray 3, Pinto 2, J.Aguilar 2, Go 0, Abis 0.

RAIN OR SHINE 104 – Nocum 25, Johnson 22, Clarito 20, Mamuyac 11, Tiongson 10, David 6, Malonzo 4, Caracut 1, Asistio 0, Manaytay 0.

Quarters: 31-26, 56-44, 83-71, 111-104. (Vladi Eduartre)

The post RJ Abrrientos pinakatok ang final slot sa Ginebra first appeared on Tonite - Abante.

For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.