Martin Romualdez dineklarang flight risk ng DILG

Kinukonsidera ng Department of the Interior and Local Government (DILG) na “flight risk” si dating House Speaker at Leyte Rep. Martin Romualdez.

Sinabi ito ni DILG Secretary Jonvic Remulla dahil nagmamay-ari umano si Romualdez ng 2 private jet, 3 helicopter at 3 yate.

“Martin Romualdez is a flight risk, 2 ang kanyang private jets, 3 ang kanyang helicopter, 3 ang kanyang yate so he is a flight risk. Gagawin namin ang lahat ahead of time para preemptive ang kanyang containment dito,” diin ni Remulla sa isang press conference nitong Martes, Setyembre 8.

Nananatili sa Cardinal Santos Medical Center si Romualdez pero binabalak ng DILG na ipalipat ito sa PNP General Hospital sa Camp Crame sa Quezon City.

Samantala, sinabi naman ng kalihim na walang special instruction si Pa¬ngulong Ferdinand “Bongbong” Marcos Jr. sa pagkakaaresto ng pinsan niyang si Romualdez

“Hindi lang magpinsan ‘yan, magkapatid ‘yan. Walang kapatid na lalaki si President so ito na ang pinakamalapit na pinsan niya. Kung akala niyo madali para sa kanya, hindi. Kung tinatanong niyo may instructions para sa treatment sa kanya wala, zero,” diin ni Remulla.

Sa eksklusibong pana¬yam naman ng progra¬mang “Agenda” sa -Bilyonaryo News Channel, sinabi ni Remulla na “90 percent sure” siyang hindi papayagan ng mga doktor na lumabas ng ospital si Romualdez habang ito ay naka-confine.

Ayon kay Remulla, pumasok sa ospital si Romualdez bandang alas-4:00 ng hapon noong Setyembre 7.

Anang kalihim, hindi hadlang ang pagkakaospital ni Romualdez para maisilbi ng mga awtoridad ang arrest warrant na inilabas ng Sandiganbayan.

“Function kasi ng batas na i-serve ‘yung warrant. Ang kanyang confinement sa ospital ay hindi shield para hindi siya ma-affect ng arrest,” ani Remulla.

Saad pa niya, nakadepende sa payo ng mga doktor kung maaari nang palabasin si Romualdez. (Edwin Balasa/Issa Santiago)

The post Martin Romualdez dineklarang flight risk ng DILG first appeared on Tonite - Abante.

For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.