Pumutok si Juami Tiongson sa fourth quarter para angklahan ang San Miguel Beer sa pangatlong sunod na panalo 96-90 laban sa Converge sa PBA Season 50 Philippine Cup elims sa Ynares Center sa Antipolo gabi nitong Linggo.
Mula sa 0-2 start, inakbayan ng defending champion Beermen sa 3-2 ang FiberXers.
Scoreless sa first three quarters, ibinuhos lahat ni Tiongson ang 14 points niya sa final period.
Naibaba pa ng Converge ang 61-53 deficit sa 76-75 bago ang breakout quarter ni Tiongson. Sa split free throw at layup ni nine-time MVP June Mar Fajardo ay umabot pa sa 91-80 ang lead ng SMB kulang 5 minutes sa laro.
Tumapos si Fajardo ng game-high 24 points, 16 rebounds, 4 assists, 2 blocks. Naka-siyam attempts lang si CJ Perez tungo sa 13 points, 7 rebounds, 5 assists, 3 steals panapal sa kanyang 5 turnovers.
“I’m so happy for Juami tonight because for the first time out of so many games bigla siyang pumutok kanina, sunod-sunod, and that’s what I was expecting from him,” ani coach Leo Austria. “I think in the right time, the right place, because this game is really important for us.”
Pinangunahan ng 20 points ni Schonny Winston ang Converge.
Tumapos pa rin ng double-double sina Justin Arana (19 points, 10 rebounds) at Justine Baltazar (14 markers, 19 boards), pero pinagsamang 14 points lang ang kinaya nina Juan Gomez De Liano at Alec Stockton mula sa 4 of 21 combined shooting.
Ayon kay chief statistician Fidel Mangonon III, pumasok sa laro ang FiberXers na nag-a-average 121.25 points sa apat na unang laro. Sa tatlong panalo, naglista ng average na 95 points pagkatapos ng three quarters ang Converge pero nilimitahan sila ng 66 lang ng SMB. Lowest output na rin ngayong conference ng FiberXers ang 90. (Vladi Eduarte)
The post Juami Tiongson, San Miguel Beer sinenglot ang Converge first appeared on Tonite - Abante.
For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.
0 Comments