Nikola Jokic, Denver Nuggets pinag-empake ng Minnesota

Sinibak ni Jaden McDaniels at ng Minnesota si Nikola Jokic at Denver sa 80th NBA West first-round 4-2.

Tumabo si McDaniels ng 32 points, 10 rebounds, inayudahan ng 24 ni Terrence Shannon Jr. at pinag-empake ng Timberwolves ang Nuggets 110-98 Target Center nitong Huwebes ng gabi.

Tadtad ng injuries ang Minnesota, sorpresang pinag-start si Shannon at rumesponde ng 9 of 20 shooting at 5 of 5 free throws, may 6 rebounds, 2 steals pa.

Out sina top three guards Anthony Edwards (knee), Donte DiVincenzo (torn Achilles) at Ayo Dosunmu (calf) kasama si forward Kyle Anderson (illness), pumunta kina bigs Rudy Gobert, Juius Randle at Naz Reid ang Wolves na nagresulta sa 64-40 advantage sa points in the paint at 50-33 edge sa rebounding.

Uumpisahan ng No. 6 Minnesota ang second round sa San Antonio sa Martes (araw sa Manila). Sinipa ng No. 2 Spurs ang Portland sa limang laro sa hiwalay nilang first-round series.

Nagsumite si Jokic ng near triple-double na 28 points, 9 rebounds, 10 assists pero naigapos ang sidekick niyang si Jamal Murray sa 12 markers lang. Sa pambubulabog ni McDaniels, napuwersa sa 4 of 17 shooting si Murray.

Hindi rin kagandahan ang 10 for 27 shooting mula long range ng Nuggets na humugot ng 27 points kay Cameron Johnson.

Umabante ang T-wolves ng anim sa three-point play ni Shannon 1:43 sa orasan, sinundan ng dagger shot ni McDaniels – ang kanyang signature mid-range pull-up para sa 105-98 separation 1:07 na lang. Naselyuhan ang panalo nang nakawin ni McDaniels ang nagkukumahog na pasa ni Jokic. (Vladi Eduarte)

The post Nikola Jokic, Denver Nuggets pinag-empake ng Minnesota first appeared on Tonite - Abante.

For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.